فلم ' پا' میں امیتابھ بچن ایک چھوٹے بچے کے کردار میں نظر آئے گیں۔

امیتابھ بچن کی ہوم پروڈکشن فلم ’پا‘ کی کہانی جتنی انوکھی ہے اتنا ہی اس کا پریمیئر بھی دلچسپ ہو گا۔ ویسے تو آج کل فلموں کے پریمیئر کرنے کا چلن تقریباً بند ہو چکا ہے لیکن بگ بی یہ پریمیئر کریں گے کیونکہ پانچ برسوں بعد ان کی ہوم پروڈکشن نے کوئی فلم بنائی ہے۔

خیر بات ہو رہی ہے دلچسپ انداز کی۔ اس دن ملٹی پلیکس تھیئٹر کو بچوں کی نرسری کی طرح سجایا جائے گا لیکن سب سے حیرت انگیز منظر ہو گا ابھیشیک کا وہ اس وقت اپنے ’پا‘ یعنی امیتابھ بچن کو اسی میک اپ میں اپنی پیٹھ پر لاد کر تھیئٹر میں داخل ہوں گے۔ اور اس ایک روز کے میک اپ کے لیے لاس اینجلیس سے میک اپ مین کرسٹین ٹینسلے کو خصوصی طور پر ممبئی بلایا

مادھوری بنیں اندراگاندھی

بالی وڈ کی دھک دھک گرل مادھوری ڈکشت شاید اپنی زندگی کا سب سے یادگار کردار نبھانے کی تیاری میں ہیں۔ جی ہاں ملک کی سب سے طاقتور خاتون رہ چکی اندرا گاندھی پر بننے والی فلم میں مادھوری ڈکشت گاندھی کا رول کریں گی۔ فلم کا نام ’مدر‘ ہو گا اور یہ گاندھی کی سوانح حیات پر مشتمل فلم ہو گی۔ فلم شالیمار بنا چکے فلمساز کرشنا شاہ کی یہ فلم سن دو ہزار گیارہ میں عکس بندی کے لیے تیار ہو گی۔

جائے گا۔