قطرینہ کا عجب انداز

آجکل قطرینہ کیف فلم ہدایت کاروں کی پہلی پسند ہیں۔

کیٹ بے بی اتنی پروفیشنل ہیں یہ کسے پتہ تھا۔ پرکاش جھا کی فلم راج نیتی کا سیٹ لگا تھا اور لوگ کیٹ کا انتظار کر رہے تھے لیکن کیٹ سیٹ سے غائب تھیں۔ یہ تو کوئی پروفیشنل ازم نہیں ہوا ناں ۔۔۔۔

لیکن ابھی ہماری بات پوری کہاں ہوئی ہے۔ اس روز کی شوٹنگ منسوخ کر دی گئی۔ دوسرے روز کیٹ بے بی سیٹ پر حاضر ہوئیں اور انہوں نے جھا کو پندرہ لاکھ روپے دینے چاہے۔ انہوں نے اپنی غیر حاضری کی وجہ یہ بتائی کہ اس روز انہیں ہندی میں طویل مکالمے بولنے تھے جو انہیں برابر سے یاد نہیں تھے اس لیے انہوں نے اس ایک روز میں اسے یاد کیے اور اب وہ تیار ہیں لیکن ایک روز انہوں نے چونکہ کام نہیں کیا ہے تو وہ اپنےپندرہ لاکھ روپے واپس کر رہی ہیں۔۔

چلیئے اس سے یہ بھی تو پتہ چلا کہ ایک دن کام کرنے کتے کیٹ بے بی کو پندرہ لاکھ روپے ملتے ہیں تو لگائیے حساب ایک فلم کے معاوضہ کا؟